Tað er týdningarmikið at brúka sólkrem – og brúka tað rætt – fyri at verja húðina móti skaðiligari UV-stráling frá sólini. Men samstundis innihalda nógv sólkrem ymisk evni, sum kunnu vera skaðilig fyri heilsu og umhvørvi.
Sólkrem skulu verja bæði móti UVA- og UVB-strálum. Umframt at brenna húðina, kunnu UV-strálurnar elva til húð- og móðurmerkjakrabba, at húðin eldist skjótari og til veikari immunverju.
Sólkrem kunnu innihalda siloxanir, sum ikki kunnu niðurbrótast, og tí hópa seg upp í umhvørvinum. Summi krem kunnu harumframt innihalda haldevni, sum kunnu leiða til mótstøðuførar bakteriur. Harafturat kunnu tey innihalda onnur evni, sum kunnu hava negativ árin á heilsuna, t.d. virka hormon-órógvandi ella ovurviðkvæmis-elvandi. UV-filtrið 4-Methylbenzylidene camphor (4-MBc), haldevni Metylisotiazolinon (MI) og ávísir angar eru dømi um slík evni.
UV-filtrið 3-Benzylidene Camphor er nú bannað í sólkremum og øðrum fríðkanarevnum.
Vísindanevndin fyri kosmetikk hjá EU, hevur gjørt av, at zinkoxid (ZnO), bæði í nano- og ikki-nanoformi, eigur at verða góðkent sum UVfiltur, men ikki í vøru, sum man kann koma til at anda niður í seg, sum t.d. sólspray.
|
|
|
|
|
Umhvørvismerkini gera tað lætt og skjótt at finna umhvørvisvinarliga sápu og sjampoo. Les meira um umhvørvismerkir her. Tá ein vøra er merkt við Blómuni ella Svananum, er tað trygd fyri:
Les meira um burturbeining av burturkasti her.
 |
Vit tú vita meira? Um tú hevur spurningar um kemisk evni í vørum, so ring til Umhvørvisstovuna, tlf. 342400 ella skriva til okkara á us@us.fo |